Се чувствуваш преморено и ти е доста од секојдневната монотонија? Тогаш нуркањето под вода е добра идеја за одмор. Можеш да се ослободиш од сите стресови и грижи кои постојат на копното и да доживееш комплетно нов свет. Водната површина на земјата е големо и мистериозно пространство кое постои за нас и ни дава можност да истражуваме и да доживееме многу нови нешта кои ќе ни го сменат начинот на гледање на работите. Ни дава простор за ново физичко и ментално искуство кое не оддалечува од телефоните и не враќа во допир со природата. Затоа, пакувај ја опремата за нуркање, те носиме на патување на најинтересните нуркачки места во светот!
Бодрум, Турција
Освен тоа што е совршен за патување и одмор, Бодрум e идеално место со кристално чистa вода. Со својот широк спектар на морски живот и пештери, гребени, потонати бродови, па дури и потонат авион, полуостровот нуди возбудлив подводен свет полн со авантура. Постојат 20-25 места кои најчесто се користат во дозволената рекреативна зона за нуркање која се протега помеѓу островот Орак до западните карпести островчиња Карг. Се на се, Бодрум е место кое нуди голем број можности за создавање уникатни и незаборавни искуства и спомени!
Зенобиа, Кипар
Со пријатна температурa на водата над 25 степени која останува дури до октомври, Кипар има подолга сезона за нуркање одошто повеќето од неговите конкуренти во регионот. Транспарентноста на морето, која е најважна за добро нуркање, е импресивна, со тоа што водата е кристална и на повеќе од 30 метри длабочина. Името Зенобиа доаѓа од бродот Зенобиа кој потонал во 1980 година и е една од најпознатите нуркачки атракции во светот. Доколку сакаш да доживееш нешто ново и предизвикувачко наместо класичен одмор ова лето, ова е идеалниот избор за тебе!
Малта
Кристално синото медитеранско море на Малтешките Острови е идеално за нуркање. Сите три острови нудат уникатно искуство за нуркање со изобилство на гребени, пештери и урнатини. Спокојот и јасноста на морето со неговата одлична видливост е совршено за сите нуркачи, бидејќи ризикот да се сретнеш со опасни риби е екстремно низок.
Подари си одмор и избегај од секојдневниот стрес со патување на некое невообичено нуркачко место со Credissimo до плата до 20.000 денари со 0% камата и без дополнителни административни трошоци, или Credissimo плус до 80.000 денари кои ќе ја задоволат твојата желба за возбуда и адреналин!
