Втора година дониравме за Светскиот ден на Лицата со Даунов синдром

Како општествено одговорна компанија уште еднаш ја покажавме нашата посветеност и грижливост и по втор пат дониравме финансиски средства во вредност од 60.000 денари на здружението за помош и поддршка на лицата со Даунов синдром “Вера” од Струмица.

По повод Светскиот ден на лицата со Даунов синдром ги  вклучивме нашите следбеници од Facebook и Instagram и заедно со нивната помош и хуманост собравме средства во висина од 60.000 денари. На нашитепрофили на социјалните мрежи беше објавен пост со кој што ги повикавме своите наши следбеници да се приклучат во хуманитарната акција, пишувајќи уникатен коментар со срциња во различни бои, а за секој коментар ние дониравме по 50 денари. Оваа донација е од големо значење за здружението за помош и поддршка на лицата со Даунов синдром “Вера” од Струмица и ќе помогне за уште подобра грижа за лицата со Даунов синдром.

Постојат забавни и интерактивни начини со кои може да се направи хуманитарно дело кое ќе предизвика насмевка и ќе разбуди безброј емоции, а нашата компанија уште еднаш покажа дека овие начини функционираат и имаат успешен епилог. Преземањето на чекор напред во грижата и прифаќањето на различностите е темелот за подобра иднина за целото општество.