Credissimo - пари навреме
Најнеобичните места за дочек на новата 2024 година
2024 година е „зад аголот“, а веќе на големо се разговара каде ќе се испрати старата и ќе се пречека новата година, која се надеваме дека ќе донесе многу повеќе среќа, љубов и успех на сите полиња.
Без сомнеж, дочекот на новата година е настан кој го возбудува целиот свет, без разлика дали ќе ја дочекаш дома, со чаша вино, на забава, на плоштадите низ земјата и странство набљудувајќи го новогодишниот огномет или на некоја подалечна дестинација.
Во пресрет на пресвртниот ден, подолу набројуваме неколку места за дочек на новата година, кои носат необични традиции, волшебни глетки и спомени кои на оние кои ќе ги посетат ќе им ја милуваат душата цел живот.
1. Сиднеј, Австралија
Сиднеј е првата светска метропола која прва пред сите останати ќе влезе во новата година, а локалното население и сите посетители секоја година редовно уживат во еден од најголемите и најдолготрајните огномети. Главниот спектакл се случува на пристаништето и познатата „Опера Хаус“, а она што го прави овој огномет најволшебен е тоа што трае цел час! За да присуствуваш на овој спектакл, потребно е да резервираш место во рестораните, каде се нудат можности за следење на огнометот од бродови кои се закотвени во непосрдна близина, а бројката на луѓе во ова подрачје секоја година надминува еден милион посетители.
2. Кицбил, Австрија
За сите „зимски души“, во Кицбил на австриските Алпи, еден од најреномираните светски ски-ресорти, се случува можеби најубавата прослава за сите ски љубители. На врвот на ски-ресортот се поставува опремата за огномет и сите посетители од ски- стазите го следат „боењето“ на небото од бујниот огномет, a дополнителен спектакл е спуштањето до градот со факели во рацете на ски-патеките.
3. Рејкјавик, Исланд
Покрај тоа што Рејкјавик е еден од најсеверните градови на Земјината топка и нуди спектакуларен огномет, она што го прави Рејкјавик уште поволшебен за дочек на новата година се и „северните светла“, кои се видливи со голо око на турите кои локалните туроператори ги нудат. Нова година, огномет и „северните светла“ заедно сочинуваат вистинско уметничко дело на небото, зар не?
4. Чианг Маи, Тајланд
Прекрасниот град на тајландската култура, Чианг Маи, нуди поразлично искуство за дочек на новата година, бидејќи прославата се одвива на 29 Целзиусови степени. Она што е спектакуларно, во вечерните часови на 31 декември се пуштаат илјадници хартиени фенери кои го украсуваат ноќното небо. Се верува дека пуштањето на овие хартиени фенери симболизира нови почетоци и носи среќа.
5. Шевенинген, Холандија
Посебно искуство е да се биде дел од Гинисов рекорд, кога станува збор за најголем новогодишен оган во светот. Секоја година на 31 декември, во Шевенинген, Холандија, се пали најголемиот оган во организација на граѓаните на овој град. Со денови се собираат дрвени палети кои се поставуваат во голем круг, со цел да се одржува Гинисовиот рекорд, а целокупниот спектакл се одвива со музика и многу храна и алкохолни пијалаци.
Доколку си одлучил новата година да ја прославиш со патување во некое од овие магични места, а ти требаат пари, секогаш можеш да се довериш на Credissimo и да си обезбедиш дополнителни средства колку што ти требат.
Исто така, ова е одлична можност да ја искористиш нашата специјална новогодишна промоција од 60.000 денари кредит со враќање на истата сума за 3 месеци, без камата и без дополнителни трошоци.
