Подготви се да ја дочекаш Новата година со стил. Секако, најпривлечниот дел од забавата се вкусната храна, руската салата, кифличките и големиот избор на алкохолни пијалоци, но исто така е важно да направиш основа за весела атмосфера со забавен новогодишен декор. Без разлика дали планираш голема прослава или тоа ќе биде интимна дружба со неколку пријатели и со семејството, имаме идеи за новогодишни декорации кои ќе ја направат забавата повесела. За оние кои уживаат во креирање украси, имаме идеи за лесни новогодишни украси кои можеш самиот да ги изработиш. Се разбира, на сите новогодишни забави им се потребни неколку вкусни коктели, па затоа имаме и неколку генијални начини како да го стилизираш твојот „бар“. Сите ќе се соберат околу пијалаците за време на забавата, па зошто да не го направиш тоа да изгледа стилски и необично?
Блескаво одбројување
Главното нешто во новогодишната вечер е одбројувањето на Новата година, што всушност е поводот на самата прослава. Тука можеш да бидеш многу креативен и да го направиш моментот на дочекување светкав и спектакуларен. Можеш да искористиш дигитален уред или пак да декорираш обичен часовник доколку сакаш дополнителен шарм кој ќе предизвика носталгија кај гостите. Благодарение на технологијата, можеш да заштедиш пари на скапи часовници со едноставно пуштање на видеа за одбројување од интернет. Поврзи го со ТВ-екранот и поттикни ја новогодишната еуфорија без никакви проблеми.
Спектакуларен бар
Послужувањето со алкохол не е доволно – треба да го направиш овој дел од забавата да изгледа посебно и празнично. Третирај ги твоите пријатели како софистицирани гости, така што ќе ги послужиш пијалаците на специјално декориран новогодишен „бар“. Сѐ што ти треба е количка, односно мини-бар на кој ќе додадеш конфети, украсни ленти и салфети со интересна шара во новогодишен стил. Можеш да одиш и дотаму и да го украсиш мини-барот со картички на кои ќе биде испишано „2020“, балони и некои златни детали кои ќе направат барот да изгледа попривлечно и светкаво.
Врами ја прославата
Без „Инста приказна“ не може да помине Новата година. Но, тоа ќе ти трае само 24 часа, додека пак класичните фотографии траат засекогаш. Доколку имаш Полароид фотоапарат или пак некој од друштвото има, искористи го за да направите кул фотографии кои ќе ги закачите на шарено пано што ќе ја овековечи оваа возбудлива вечер.
Доаѓањето на Новата година носи и нови, дополнителни трошоци. Билети за прослави, декорации, храна, пијалаци, подароци и нова облека, а згора на сето тоа, ова се случува на крајот на месецот. Но, тоа не те спречува да ја дочекаш Новата година како што заслужуваш, бидејќи тука се Credissimo до плата до 20.000 денари со 0% камата и без дополнителни административни трошоци и нов подолг рок на исплата до 45 дена, како и Credissimo плус до 80.000 денари, кои ќе ти ја направат оваа вечер незаборавна!
