Иако веќе сме длабоко навлезени во оваа есен, сонцето сѐ уште се појавува и привремено ја прикрива есенската свежина во воздухот, давајќи ни можност да ги износиме омилените есенски палтенца и да правиме интересни модни комбинации. Ова е единствена сезона каде што ни е дозволено да носиме што и да сакаме, од кратки ракави и фустанчиња, па сѐ до чизми и марами. Затоа, искористи го овој шармантен период за нови, удобни и слатки есенски модни комбинации. Доколку сакаш да го освежиш твојот стил, а немаш идеја како, не грижи се. Ти подготвивме листа на најновите трендови во новата модна сезона оваа есен.
Периодов се забележа големиот наплив на инспирација кај најпознатите модни трендсетери, кои беа исклучително иновативни со новите трендови што ги претставија на модните писти.
Преголеми чанти
Колку поголема, толку подобро. Облеката во поголема величина и џиновските чанти ќе ги забележиш насекаде оваа сезона. Добрата вест е што овој тренд може да биде многу практичен, бидејќи во чантата ќе собере сѐ што ти треба: шминки, чадор, лаптоп, шише со вода, полнач за телефон, па дури и дополнителен пар чевли за секој случај.
Воздушести и топли јакни
Добро познатите „монтки“, кои долго време ги избегнувавме, повторно се враќаат во мода. Модните инфлуенсери и дизајнери обожаваат да ги имплементираат старомодните, заборавени парчиња и да им дадат нова димензија и да ги претворат во нов тренд. Така направија и оваа сезона со воздушестите јакни „монтки“, кои овојпат во металик и неон бои ги комбинираа со необични „бубреже“ чанти, или со кул неонски очила.
Волуменозни ракави
Оваа есен, целиот моден свет е вљубен во долгите, воздушести ракави. Понекогаш се нарекуваат и „балон“ ракави, кога се многу широки на средината. Лелеавиот ракав е најчесто изработен од нежни материјали како сатен и свила, кои му даваат еден „Дизни“ изглед што потсетува на принцезите од нашите најомилени цртани од детството.
Додатоци за коса
Додатоците за коса се многу „ин“ во овие есенски денови. Од персонализирани шнолки за коса со зборови на нив, па сѐ до беретки и шнолки со бисери. Овој додаток ќе го заокружи изгледот и ќе те поштеди од потребата за носење дополнителен накит.
Следи ги најновите трендови, изгледај најкул и не грижи се за финансискиот дел. Дозволи си еден добар есенски шопинг со Credissimo до плата до 20.000 денари со 0% камата и без дополнителни административни трошоци или Credissimo плус до 80.000 денари, и уживај во твојот нов изглед.
